2013-cü ildə qurulan “Parlaq İmzalar” nəşriyyatı bu müddət ərzində ölkə kitabçılığında özünə yer etmiş, kitabların seçimi, tərcümə və nəşr keyfiyyəti ilə oxucuların etibarını qazanmışdır. Orijinaldan tərcüməni prinsip olaraq qəbul edən nəşriyyat bu günə kimi dünyanın 13 dilindən tərcümələr etmişdir.

“Parlaq İmzalar” Azərbaycan nəşriyyat sektorunda özünəməxsus yeri olan nəşriyyatlardan biridir. Dünya ədəbiyyatının ən yaxşı əsərlərini tərcümə və nəşr etməyi özünə hədəf qoyan nəşriyyat bu günə kimi “Cinayət və cəza”, “Gülən adam”, “Zəmanəmizin qəhrəmanı” kimi dünya klassik ədəbiyyatının incilərini, “1984”, “Sürətləndikcə kiçilirəm”, “Zirzəmi quşu” kimi müasir romanlar çap etmişdir. “Parlaq İmzalar” kitablarının tərcüməsi, çap keyfiyyəti baxımından xüsusilə fərqlənir və oxucuların ən çox etibar etdiyi nəşriyyatlardan biridir. Nəşriyyat hər il müxtəlif sərgilərdə iştirak edir, bir-birindən maraqlı layihələrlə oxucuların rəğbətini qazanmışdır.