Bir hissə oxuAyın qızları
“The Man Booker International Prize” mükafatını qazanan ilk ǝrǝbdilli roman
Omanlı yazıçı Coxa ǝl-Harsi 2019-cu ildǝ Olqa Tokarçuk, Anni Erno, Xuan Qabriel Vaskes kimi mǝşhur yazıçıları qabaqlayaraq “Ayın qızları” romanı ilǝ nüfuzlu “The Man Booker International Prize” mükafatını qazanıb.
“Ayın qızları” böyük ailǝ dramıdır. Romanda Omanın Əvafi şǝhǝrindǝ yaşayan üç bacı ilǝ qarşılaşırıq. Maya sevmǝdiyi oğlanla, Əsma isǝ sadǝcǝ öhdǝlik xatirinǝ evlǝnir, Xaulǝ isǝ bütün tǝkliflǝrǝ rǝdd cavabı verǝrǝk deyiklisi, Kanadada yaşayan ǝmisi oğlunu gözlǝyir.
Bu üç bacı vǝ ailǝlǝri, onların itkilǝri vǝ sevgilǝri ǝnǝnǝvi ağa-nökǝr quruluşundan hazırkı mürǝkkǝb sistemǝ keçid elǝyǝn vǝ sürǝtlǝ dǝyişǝn Omanın ictimai ziddiyyǝtlǝri fonunda nümayiş olunur. Üç bacının sayǝsindǝ cǝmiyyǝtin bütün zümrǝlǝri ilǝ tanış ola bilirik – xidmǝtçidǝn tutmuş neftin hesabına varlanan şeyxlǝrǝ qǝdǝr. “Ayın qızları” öz dǝrin vǝ şǝrqli atmosferi ilǝ oxucunu ovsunlayan unikal Oman panoramasıdır. Romanda ǝrǝb dünyasının mürǝkkǝbliklǝri, hǝqiqi mǝziyyǝt vǝ problemlǝri ustalıqla göstǝrilib.
Roman Qǝrb dünyasında böyük maraqla qarşılanıb vǝ 20-dǝn çox dilǝ çevrilib.
| Kitabın adı | Ayın qızları |
|---|---|
| Orijinal adı | سيدات القمر |
| Müəllif | Coxa əl-Harsi |
| Tərcüməçi | Aytəkin Qocayeva |
| ISBN | 9789952849448 |
| Dili | Azərbaycan |
| Səhifə sayı | 248 |
| Kitabın formatı | 135x200 mm |
| Çap tarixi | 2023 |
| Nəşriyyat | Parlaq İmzalar |
Coxa əl-Harsi
Coxa əl-Harsi 1978-ci ildə anadan olub. Omanda və Böyük Britaniyada təhsil alıb. Edinburq Universitetində Klassik Ərəb Şeiri üzrə fəlsəfə doktoru dərəcəsi alıb. Hal-hazırda Omanın Sultan Qabus Universitetinin Ərəb dili və ədəbiyyatı kafedrasında dosentdir. Yazıçıya dünya şöhrəti gətirən “Ayın qızları” romanının ingilis dilinə tərcüməsi 2019-cu ildə “The Man Booker International Prize” mükafatına layiq görülüb. O bu mükafatı qazanan ilk ərəb yazıçısıdır. Bundan əlavə, ərəb dilində üç hekayələr kitabı, üç uşaq kitabı və üç romanın müəllifidir.
İlk rəy yazan siz olun