Bir hissə oxuBəyəl əzadarları
“Dramaturgiyanı mən ondan öyrənmişəm, Saedi mənim üçün İranın Artur Milleridir”.
Əsğər Fərhadi
Orijinal roman strukturu ilə diqqət çəkən, çap olunduğu il ölkəsində böyük səs-küy yaradan “Bəyəl əzadarları” İranda magik realizmin ilk nümunələrindən sayılır. Əsərdə özünü taleyin hökmünə təslim etmiş zavallı kəndlilərin fanatizm, cəhalət, qorxu, tabu, mistika burulğanında çarəsizliyi əks olunur. “Bəyəl” adlı ucqar kənd sakinlərinin başına gələn hadisələr, əslində, böyük bir cəmiyyətin bədbəxtliyindən xəbər verir. Müəllif heç bir mühakimə etmədən oxucunu obrazlarla üz-üzə qoyaraq bəyəllilərin heç vaxt bitməyən əzadarlığına dəvət edir...
Romanın motivləri əsasında çəkilmiş “İnək” filmi ilk neorealist film kimi İran kinosunu dünya miqyasına çıxarıb. Film Venesiya, Berlin və Kann kimi məşhur kinofestivallarda mükafatlara layiq görülüb.
| Kitabın adı | Bəyəl əzadarları |
|---|---|
| Orijinal adı | عزاداران بیل |
| Müəllif | Qulamhüseyn Saedi |
| Tərcüməçi | Ariz Tarverdiyev |
| ISBN | 9789952525458 |
| Dili | Azərbaycan |
| Səhifə sayı | 304 |
| Kitabın formatı | 120x190 mm |
| Çap tarixi | 2020 |
| Nəşriyyat | Parlaq İmzalar |
Qulamhüseyn Saedi
Qulamhüseyn Saedi 1936-cı il yanvarın 15-də Təbriz şəhərində anadan olub. Saedi uşaq yaşlarından Anton Çexovun hekayələrinin təsiri ilə müxtəlif imzalar altında hekayələr, povestlər yazmağa başlayıb. 1956-cı ildə Təbriz Universitetinin Tibb fakültəsinə daxil olaraq “Azərbaycanda psixonevrozun sosial səbəbləri” mövzusunda dissertasiya işi ilə məzun olub.
Magik realizm cərəyanının parlaq nümayəndələrindən olan Saedi “Top”, “Bəyəl əzadarları” romanları ilə yanaşı, çoxlu sayda pyes, hekayə yazıb. 1974-cü ildə redaktoru olduğu “Əlifba” jurnalında dərc etdiyi tənqidi məqalələrə görə Pəhləvi hökuməti tərəfindən həbs edilib və ağır işgəncələrə məruz qalıb.
Saedinin əsərləri rus, ingilis, fransız, ispan və digər dillərə çevrilib. O, Amerika Naşirlər Birliyinin dəvətilə Nyu-York şəhərində mühazirələr deyib, Amerikanın tanınmış nasirləri, eləcə də böyük dramaturq Artur Millerlə görüşüb.
Yazıçı 1985-ci ildə Müqəddəs Antuan xəstəxanasında 49 yaşında sirroz xəstəliyindən dünyasını dəyişib.
İlk rəy yazan siz olun