Mixail Lermontov 1814-cü il oktyabrın 14-də Moskvada anadan olub. O, yeniyetməlik dövründə Puşkin və Bayronun təsiri ilə şeirlər yazıb. 1831-ci ildə Moskva Universitetinin Ədəbiyyat fakültəsinə qəbul olub. Lakin burada təhsilini ta­mamlaya bilməyib. Sankt-Peterburqa gedərək hərbi mək­təb­də oxuyub.
Lermontov yaradıcılığa şeirlə başlayıb. Puşkinin ölümünə həsr etdiyi “Şairin ölümünə” şeiri (1837) böyük şairin həm məşhurlaşmasına, həm də çar I Nikolayı və kübar dairələri na­rahat etdiyi üçün Qafqaza sürgün edilməsinə səbəb olub. Bu şeirlə Lermontov “Puşkinin varisi” adını qazanıb. 
1840-cı ildə Rusiyanın ilk sosioloji-psixoloji romanı sayılan “Zəmanəmizin qəhrəmanı” romanı çap olunub. Bununla da yazıçı şöhrətinin zirvəsinə çatıb.
M. Lermontov 1841-ci il iyulun 27-də Nikolay Martınov adlı hərbçi ilə duelə çıxıb və həmin dueldə də öldürülüb.