Bir hissə oxuÖlüm hökmü
İnsan anadan olduğu dəqiqədən etibarən tələsirdi... Paxıllığı da, namərdliyi də, xəsisliyi də, nankorluğu da, vəfasızlığı da o tələsiklik əmələ gətirirdi...
Ölüm hökmünü verən kimdir?
Tale? Hakim? Yoxsa zaman?
Əslində, insana ölüm hökmünü verən zamandır. İnsan həqiqətə arxa çevirərək, yaxşıya yaman deyərək, kölgəsini özü bilərək zamanın əli ilə öz ölüm hökmünü imzalayır.
Ölüm – şəxsiyyətə pərəstiş edən, satqınlığa alışan, itaətə boyun əyən, haramı halal bilən insanların mənəvi manipulyasiyalarına verilən hökmdür.
Bu romanda bu gün dünənin iç üzü kimi əks etdirilir. Oxucu hər səhifəni vərəqlədikcə bu günün baiskarı olan dünəni görür, beləcə, şahid olduğu zamanın hansı sələfin xələfi olması aydınlaşır.
| Kitabın adı | Ölüm hökmü |
|---|---|
| Müəllif | Elçin |
| ISBN | 9789952547917 |
| Dili | Azərbaycan |
| Səhifə sayı | 544 |
| Kitabın formatı | 120x190 mm |
| Çap tarixi | 2026 |
| Nəşriyyat | Parlaq İmzalar |
Elçin
Elçin Əfəndiyev 1943-cü il mayın 13-də Bakıda, Azərbaycanın görkəmli ədibi İlyas Əfəndiyevin ailəsində anadan olub. 1965-ci ildə Bakı Dövlət Universitetinin Filologiya fakültəsini bitirən Elçin daha sonra Nizami adına Ədəbiyyat İnstitutunda aspirantura təhsili alıb və filologiya elmləri doktoru, professor dərəcəsinə qədər yüksəlib.
Yazıçının ədəbi fəaliyyəti Azərbaycan nəsrində “altmışıncılar” adlanan nəslin gəlişi ilə eyni dövrə təsadüf edir. Elçin hələ gənc yaşlarından yazdığı hekayələrlə oxucuların rəğbətini qazanıb. “Baladadaşın ilk məhəbbəti”, “Toyuğun diri qalması”, “Dolça” kimi əsərləri ilə Bakı mühitini, Abşeronun özünəməxsus koloritini və sadə insanların daxili dünyasını ustalıqla təsvir edib.
Yazıçının “Mahmud və Məryəm”, “Ağ dəvə”, “Ölüm hökmü”, “Baş” əsərləri Azərbaycan ədəbiyyatının əsas romanlarından hesab olunur.
Yaradıcılıqla yanaşı, Elçin uzun illər Azərbaycanın ictimai-siyasi həyatında da mühüm rol oynayıb. 25 il ərzində Azərbaycan Respublikası Baş nazirinin müavini vəzifəsində çalışaraq ölkənin mədəniyyət və elm sahəsinin inkişafına töhfə verib.
Elçin Əfəndiyev 3 avqust 2025-ci ildə vəfat edib.
---uz.jpg)
İlk rəy yazan siz olun