Hər şey məktublardan başladı... Hər şeyə məktublar səbəb ol­du... O məşum, o əsrarəngiz məktublar... 
Bir gün məşhur yazıçıya məktub gəlir. Burada qəribə heç nə yox­dur. Əgər o məktub qadın həbsxanasından göndərilməyibsə.
Qapı döyülür. Yazıçı qapını açır. Bir ilə yaxın məktublaşdığı qa­dın qapının kandarında dayanıb ona baxır. 
Həbsxanadan çıxan Səbinə məktublaşdığı yazıçının evinə gə­lərək ondan elə bir şey istəyir ki, yazıçı onu etsə, bir anın için­də cinayətkara çevrilə bilər. Ya onunla əlaqəni kəsməli və Sə­bi­nəni unutmalı, ya da neçə il həbsxanada yatmış, təkcə ona ina­nan, kitablarını dəfələrlə oxuyan, ona məktublar göndərən çarəsiz qadına kömək etməli və onun istədiyi dəhşətli işi həyata keçirməlidir. 
Pərviz Seyidlinin “Məktublar arxasında” romanı “zahir, yoxsa batin” sualına cavab axtarır. İnsanın başqalarını kitab kimi oxuya bilməyinin mümkünlüyünü təhlil edir. Birnəfəsə oxuyacağınız bu psixoloji triller ruhani axtarışlar, ağrılar, zahir və batin haq­qın­da sizi bir daha dərindən düşündürəcək.