“Vadidəki zanbaq” Balzakın ən çox oxunan romanlarından biridir. Kitabda ana sevgisindən məhrum qalan Feliks adlı bir gəncin içindəki sevgi təşnəliyini necə yatızdırmasından, özündən yaşca böyük olan qadına çılğın eşqindən bəhs edir. Madam dö Morsof bir ana kimi onu öz ağuşuna alır, onun təşnə qəlbini sevgi ilə suvarır. Bu, bir-birini dəlicəsinə sevən iki insanın fədakarlıq, iztirab və əzm hekayəsidir. 
İki yol arasında qalan madam dö Morsof ailənin ona gətirdiyi məsuliyyətə boyun əyib övladlarının gələcək taleyini düşünməli, ərinə sadiq qalmalı, yoxsa ondan ötrü dəli-divanə olan, hər cür bəhanə ilə onu görməyə, ona xoş sözlər deməyə can atan bir gəncin sevgisinə cavab verməlidir? 
Avtobioqrafik xarakterli bu romanda XIX əsr fransız kübar cəmiyyətinə mənsub insanların etika və hissləri dolğun şəkildə əks olunur.