Bir hissə oxuYoxsul insanlar
Dostoyevski “Yoxsul insanlar”ı yazıb qurtarandan sonra onu ilk olaraq yazıçı Qriqoroviçə oxuyur. Qriqoroviç romanı çox bəyənir və onu naşir Nekrasova aparır. Nekrasov əsəri o dövrün məşhur tənqidçisi Belinskiyə təqdim edəndə belə deyir: “Yeni Qoqol peyda olub!”
“Yoxsul insanlar” böyük rus klassikinin ilk romanıdır. Dostoyevski həm Balzakın sosial quruluşun tənqidi ilə səciyyələnən “Yevgeniya Qrande” romanını çevirdikdən, həm də Peterburqda yoxsul insanların həyatını, iztirablarını müşahidə etdikdən sonra belə bir əsər yazmaq qərarına gəlir.
Ümumiyyətlə, Dostoyevski öz əsərlərində XIX əsr rus cəmiyyətində yaşayan insanı və onun ictimai vəziyyətini araşdırırdı. Epistolyar janrda qələmə aldığı “Yoxsul insanlar”da da müəllif zavallı, fağır insanların taleyini və daxili dünyasını son dərəcə dəqiq, ifadəli cizgilərlə əks etdirir.
| Kitabın adı | Yoxsul insanlar |
|---|---|
| Orijinal adı | Бедные люди |
| Müəllif | Fyodor Dostoyevski |
| Tərcüməçi | Etimad Başkeçid |
| ISBN | 9789952849424 |
| Dili | Azərbaycan |
| Səhifə sayı | 184 |
| Kitabın formatı | 125x200 mm |
| Çap tarixi | 2024 |
| Nəşriyyat | Parlaq İmzalar |
Fyodor Dostoyevski
Fyodor Dostoyevski 1821-ci il noyabrın 11-də Moskvada anadan olub. Dostoyevski uşaq yaşlarından Puşkin, Qöte və Servantesin əsərləri ilə tanış olub. 1846-cı ildə ilk romanını – “Yoxsul insanlar”ı yazıb. Bu roman haqqında dövrün məşhur tənqidçisi Belinski müsbət fikirlər səsləndirib. Amma növbəti romanları ədəbi ictimaiyyət tərəfindən bir o qədər də bəyənilməyib. 1849-cu ildə hakimiyyət əleyhinə fəaliyyət göstərdiyinə görə Sibirə sürgün olunub. Yazıçıya dünya şöhrəti gətirən əsəri – “Cinayət və cəza” 1866-cı ildə çap olunub. Bunun ardınca “İdiot” (1869) və “Şeytanlar” (1872) romanlarını yazıb. Böyük yazıçı sonuncu romanı “Karamazov qardaşları”nı 1880-ci ildə tamamlayıb. Dostoyevski, demək olar, bütün həyatı boyu ruhi böhrandan çıxa bilməyib, daim borclu olduğu insanlar tərəfindən sıxışdırılıb. Dünya ədəbiyyatının böyük klassiki 1881-ci il fevralın 9-da vəfat edib.
MÜƏLLİFİN DİGƏR KİTABLARI
İlk rəy yazan siz olun