Bir hissə oxuSiddhartha
Birinci Dünya müharibəsindən sonra, xüsusilə Avropada mənəvi deqradasiya başlayır. Hesse “Siddhartha”nı yazmaqla dünyanı bürümüş zülmətə bir işıq tutmaq və insanlığı yenidən mənəviyyata, özünün zəngin irsinə qaytarmağa çalışır.
Roman qəliblərə, şablonlara sığmayan bir gəncin özünüaxtarış hekayəsidir. O, rahat həyata, ailəsinin nüfuzuna məhəl qoymadan öz evini tərk edir. Və məchullarla, bilinməzlərlə dolu bir səfərə çıxır. Bu səfər zamanı Siddhartha özünü müxtəlif rollarda müşahidə edir: mömin brahman, samana, varlı tacir, sevgili, ata. Amma ənənəvi təlimlərin və ictimai normaların heç biri onun məna axtaran yanğılı qəlbinə su səpmir; gah dünyəvi həzlərə meyil edir, gah da asketizmə üz tutub dünyanı heçə sayır. Bu tərəddüd onun ruhunu alt-üst edir. Nəhayət, bu enişli-yoxuşlu yolda rastlaşdığı sonuncu şəxs həyatında yeni bir səhifə açır.
| Kitabın adı | Siddhartha |
|---|---|
| Orijinal adı | Siddhartha (Eine indische Dichtung) |
| Müəllif | Herman Hesse |
| Tərcüməçi | Nilufər Bəhlulqızı |
| ISBN | 9789952580815 |
| Dili | Azərbaycan |
| Səhifə sayı | 168 |
| Kitabın formatı | 120x190 mm |
| Çap tarixi | 2025 |
| Nəşriyyat | Parlaq İmzalar |
Herman Hesse
Herman Hesse 1877-ci il iyul 2-də Almaniyanın Kalv şəhərində anadan olub. Atası missioner, anası isə teoloq qızı idi, bu da onun yaradıcılığında din və mənəviyyat mövzularının əsas yer tutmasına səbəb olub. Məktəb illərində yaşadığı çətinliklər və gəncliyində keçirdiyi böhranlar onun psixoloji dərinliyini artırıb. İkinci romanı “Çarxlar altında” məhz o dövrdə keçirdiyi ekzistensial dəyişikliklərdən bəhs edir.
Hesse ədəbiyyata şeirlə başlamış, lakin daha sonra romanları ilə dünya şöhrəti qazanmışdır.
Ən məşhur əsərləri arasında “Siddhartha”, “Knulp”, “Yalquzaq”, “Muncuq oyunu” yer alır. Hesse bu romanlarda cəmiyyətin təzyiqlərindən qaçan, daxili azadlığını axtaran və öz yolunu tapan fərdlərin hekayələrini yazıb.
1946-cı ildə ədəbiyyat üzrə Nobel mükafatına layiq görülüb. Yaradıcılığı boyunca müharibə və millətçiliyə qarşı çıxışlar edib.
Herman Hesse 9 avqust 1962-ci ildə İsveçrədə vəfat edib.
---uz.jpg)
İlk rəy yazan siz olun