Bir hissə oxuHeyvan Respublikası
“Varlılar kasıbları necə istismar edirsə, insanlar da heyvanları o cür istismar edir”. Corc Oruell
Dəhşətlisi burasındadır ki, “Heyvan Respublikası” aktuallığını itirməyərək bu gün də dünyanın ən çox oxunan kitabları siyahısındadır. Dəyişən sadəcə sinfi adlar və sistemlərdir. Oruell bu sehrli nağılı ilə tarixçilərin, diktatorların, ictimai xadimlərin demədiyi bir çox həqiqətləri, avtoritar rejimlərin insanları necə əllərində oyuncağa çevirdiyini çatdırır.
“Heyvan Respublikası” XX əsr və bəlkə də, ümumilikdə dünya ədəbiyyatının ən satirik və həcv dolu əsərlərindən biri hesab olunur. İlk nəşrindən yalnız 43 il sonra SSRİ-də nəşr olunan bu kitabda Oruell Stalin və onun siyasətinin iç üzünü açır.
| Kitabın adı | Heyvan Respublikası |
|---|---|
| Orijinal adı | Animal Farm |
| Müəllif | Corc Oruell |
| Tərcüməçi | Rafiz Hacıoğlu |
| ISBN | 9789952547535 |
| Dili | Azərbaycan |
| Səhifə sayı | 160 |
| Kitabın formatı | 125x200 mm |
| Çap tarixi | 2022 |
| Nəşriyyat | Parlaq İmzalar |
Corc Oruell
Corc Oruell 1903-cü il iyunun 25-də Hindistanın Motihari şəhərində anadan olub. İbtidai təhsilini Müqəddəs Kiprian məktəbində alıb. 1922-27-ci illərdə Birmada (indiki Myanma) imperiya polisi kimi fəaliyyət göstərib. Daha sonra İngiltərəyə qayıdıb və yaradıcılığa da bundan sonra başlayıb. 1936-cı ildə ailə həyatı qurub və yoldaşı ilə birlikdə İspaniyaya gedərək vətəndaş müharibəsinə qatılıb. Orada yaşadığı ağrı-acıları “Kataloniyaya məhəbbətlə” romanında ifadə edib.
İlk romanı “Paris və Londonda pulsuz-parasız” 1933-cü ildə nəşr olunub. Yaradıcılığının sonrakı dövrlərində “Birma günləri”, “Keşişin qızı”, “Boğuluram” romanlarını yazıb. 1949-cu ildə antiutopiya janrının bənzərsiz nümunələrindən sayılan “1984” romanı çap olunub. İngiltərəli yazıçının əsərləri dünyanın 60-dan çox dilinə çevrilib.
Yazıçı 1950-ci il yanvarın 21-də Londonda vəfat edib.
MÜƏLLİFİN DİGƏR KİTABLARI
İlk rəy yazan siz olun