“Qırıq qanadlar” Cübran Xəlil Cübranın ən sev­gi dolu, poetik əsərlərindən biridir. Bu ölməz əsər tək­cə sevgi hekayəsi deyil, eyni zaman­da insan ru­hu­nun azadlıq fəryadıdır.
Yazıçı Livanın füsunkar təbiəti fonunda gənc bir aşiqin və taleyi cəmiyyətin amansız qanunları ilə buxovlanmış Səlma Kəramənin kədərli hekayəsini nəql edir. Cübran bu əsərdə qadını bir əmtəə kimi görən, sevgini isə maddi maraqlara qurban verən riyakar mühitə qarşı üsyan edir.
Səlma – ruhu səmalara doğru can atan, lakin qanadları ictimai normalar və tamahkar ruhanilər tərəfindən qırılmış bir qadın obrazıdır. Onun faciəsi həm də öz dövrünün qurbanı olan minlərlə “qırıq qanadlı” ruhun simvoludur.
“Qırıq qanadlar” məhəbbətin ülviyyətini, xatirələrin hüznlü gözəlliyini və insanın öz mənliyini tapmaq yolunda çəkdiyi iztirabları ustalıqla təsvir edir.