Gizlindən qeydlər

Bir hissə oxu

Gizlindən qeydlər

0.0

(0)

Fyodor Dostoyevski

Dostoyevski tədqiqatçılarının dediyi kimi, “Bütün dünyanın sevimli müəllifi olan Dostoyevski bu romandan başlayır”. “Gizlindən qeydlər” Dostoyevskinin dünyaya daha geniş müstəvidən baxdığı ilk romanıdır. Müəllifin yaradıcılığında açar rolunu oynayan bu əsərdə dünyada özünə yer tapmayan, nə sənətlə, nə eşqlə, nə də digər şeylərlə ovuna bilən baş qəhrəmanın timsalında bəşər övladının yaşadığı çoxsaylı ruhi böhranları, ağrıları, məşəqqətləri görəcəksiniz.
Bu romanı oxuyarkən baş qəhrəmanın özünü, öz kimliyini anlaması üçün necə durmadan qəlbinin dərinliklərinə, vicdanının labirintlərinə can atdığının şahidi olacaqsınız. Əsərdə qoyulan sual budur: insan özünü cəmiyyətin içərisindəmi anlamalıdır, yoxsa hər kəsdən uzaqlaşıb? Xilas tənhalıqdadır, yoxsa insanlar arasında öz yerini, ictimai mövqeyini müəyyənləşdirməkdədir? Bəs bu çətin sualların həyati cavabları nədir?

Ardını oxu

Kitabın adı	Gizlindən qeydlər
Orijinal adı	Записки из подполья
Müəllif	Fyodor Dostoyevski
Tərcüməçi	Azad Yaşar
ISBN	9789952849400
Dili	Azərbaycan
Səhifə sayı	200
Kitabın formatı	125x200 mm
Çap tarixi	2023
Nəşriyyat	Parlaq İmzalar

Fyodor Dostoyevski

Fyodor Dostoyevski 1821-ci il noyabrın 11-də Moskvada anadan olub. Dostoyevski uşaq yaşlarından Puşkin, Qöte və Servantesin əsərləri ilə tanış olub. 1846-cı ildə ilk romanını – “Yoxsul insanlar”ı yazıb. Bu roman haqqında dövrün məşhur tənqidçisi Belinski müsbət fikirlər səsləndirib. Amma növbəti romanları ədəbi ictimaiyyət tərəfindən bir o qədər də bəyənilməyib. 1849-cu ildə hakimiyyət əleyhinə fəaliyyət göstərdiyinə görə Sibirə sürgün olunub. Yazıçıya dünya şöhrəti gətirən əsəri – “Cinayət və cəza” 1866-cı ildə çap olunub. Bunun ardınca “İdiot” (1869) və “Şeytanlar” (1872) romanlarını yazıb. Böyük yazıçı sonuncu romanı “Karamazov qardaşları”nı 1880-ci ildə tamamlayıb. Dostoyevski, demək olar, bütün həyatı boyu ruhi böhrandan çıxa bilməyib, daim borclu olduğu insanlar tərəfindən sıxışdırılıb. Dünya ədəbiyyatının böyük klassiki 1881-ci il fevralın 9-da vəfat edib.