Bir hissə oxu1984
Corc Oruellin “1984” romanı klassik antiutopiya sayılır. Sənətkarın şah əsəri sayılan “1984” ilk nəşrindən bu yana bütün dövrlərin ən oxunaqlı romanlarından sayılıb, ən məşhur siyahılarda ilk pillələrdə yer alıb. “1984” diktatura rejiminin bütün siyasi kələklərini insanı vahiməyə salan çılpaqlığı ilə göstərir. Onun az qala hər abzasında sənətkarın iti müşahidələrindən, dərin zəkasından xəbər verən aforizmlər, bənzətmələr var. Bu əsər bizə deyir ki, bəli, elementar bəşəri prinsiplərin pozulduğu cəmiyyətlərdə hər cür absurdizm mümkündür, orada iki üstəgəl iki beş edər, orada qatıq qara ola bilər. Sağlam məntiqə, insani dəyərlərə köklənməyən heç bir cəmiyyət, heç bir dövlət, heç bir millət “1984”də təsvir edilən şüur deformasiyasından, Böyük Qardaş avtoritarizmindən sığortalanmayıb.
Ardını oxu| Kitabın adı | 1984 |
|---|---|
| Orijinal adı | Nineteen Eighty-Four |
| Müəllif | Corc Oruell |
| Tərcüməçi | Anar Mahmudov |
| ISBN | 9789952547528 |
| Dili | Azərbaycan |
| Səhifə sayı | 400 |
| Kitabın formatı | 125x200 mm |
| Çap tarixi | 2022 |
| Nəşriyyat | Parlaq İmzalar |
Corc Oruell
Corc Oruell 1903-cü il iyunun 25-də Hindistanın Motihari şəhərində anadan olub. İbtidai təhsilini Müqəddəs Kiprian məktəbində alıb. 1922-27-ci illərdə Birmada (indiki Myanma) imperiya polisi kimi fəaliyyət göstərib. Daha sonra İngiltərəyə qayıdıb və yaradıcılığa da bundan sonra başlayıb. 1936-cı ildə ailə həyatı qurub və yoldaşı ilə birlikdə İspaniyaya gedərək vətəndaş müharibəsinə qatılıb. Orada yaşadığı ağrı-acıları “Kataloniyaya məhəbbətlə” romanında ifadə edib.
İlk romanı “Paris və Londonda pulsuz-parasız” 1933-cü ildə nəşr olunub. Yaradıcılığının sonrakı dövrlərində “Birma günləri”, “Keşişin qızı”, “Boğuluram” romanlarını yazıb. 1949-cu ildə antiutopiya janrının bənzərsiz nümunələrindən sayılan “1984” romanı çap olunub. İngiltərəli yazıçının əsərləri dünyanın 60-dan çox dilinə çevrilib.
Yazıçı 1950-ci il yanvarın 21-də Londonda vəfat edib.
MÜƏLLİFİN DİGƏR KİTABLARI
İlk rəy yazan siz olun