Bir hissə oxuƏdalət və incəsənət
Ərəb dramaturgiyası və romançılığının pionerlərindən sayılan Tofiq əl-Həkim 1929-1934-cü illərdə Misirin müxtəlif şəhərlərində prokuror köməkçisi vəzifəsində çalışır. Bu illər ərzində Tofiq əl-Həkim öz bədii təxəyyülü sayəsində məhkəmə zalını teatr səhnəsinə, hakim və müttəhimi isə aktyora çevirir və göstərir ki, məhkəmə proseduru, əslində, gündüz vaxtı nümayiş etdirilən və aktyorların qrimsiz səhnəyə çıxdığı tamaşadır.
Misirli ədib prokuror soyuqqanlılığı ilə yazıçı həssaslığını birləşdirərək qanun qarşısında aciz qalan kiçik insanların böyük kədərini və ironik taleyini ustalıqla təsvir edir. Hekayələrdə həmçinin Misir insanının həyat tərzi, saflığı və amansız reallıqlar qarşısındakı mübarizəsi oxucunun gözü qarşısında canlı bir tablo kimi canlanır.
| Kitabın adı | Ədalət və incəsənət |
|---|---|
| Orijinal adı | عدالة وفن |
| Müəllif | Tofiq əl-Həkim |
| Tərcüməçi | Fərid Camalov |
| ISBN | 9789952580846 |
| Dili | Azərbaycan |
| Səhifə sayı | 176 |
| Kitabın formatı | 120x190 mm |
| Çap tarixi | 2025 |
| Nəşriyyat | Parlaq İmzalar |
Tofiq əl-Həkim
Tofiq əl-Həkim 1898-ci il oktyabrın 9-da Misirin İsgəndəriyyə şəhərində aristokrat ailəsində anadan olub. İbtidai və orta təhsilini tamamladıqdan sonra 1925-ci ildə hüquqşünaslıq üzrə təhsilini davam etdirmək üçün Parisə yollanıb. Lakin Parisdə hüquqdan daha çox sənət və teatra maraq göstərərək Avropa mədəniyyətini dərindən öyrənib.
1928-ci ildə Misirə qayıdaraq bir müddət prokuror köməkçisi kimi fəaliyyət göstərib; bu dövrün müşahidələri əsasında sonralar məşhur “Kənd prokurorunun qeydləri” əsərini yazıb. 1933-cü ildə qələmə aldığı “Mağara adamları” pyesi ilə ərəb dramaturgiyasında yeni bir mərhələnin – “intellektual teatr” cərəyanının əsasını qoyub.
1940-50-ci illərdə “Şərqdən gələn quş”, “Ruhun qayıdışı” kimi irihəcmli romanları ilə ərəb nəsrində köklü dəyişikliklər edib.
Tofiq əl-Həkim 1987-ci il iyulun 26-da Qahirədə dünyasını dəyişib.
---uz.jpg)
İlk rəy yazan siz olun