Ştefan Svayq 1881-ci il noyabrın 28-də Vyanada anadan olub. 1901-ci ildə şeirlərinin toplandığı “Gümüş sim­lər” kitabı dərc olunub. Yaradıcılığının ilk illərində Bodlerdən, Pol Verlendən, Emil Verxarndan tərcü­mə­lər edib. Avropanın müxtəlif ölkələri ilə yanaşı, Hin­dis­tana, ABŞ-a, Kubaya sə­fərlər edib. 1934-cü ildə Zalts­burqdakı evində aparılan qa­nunsuz yoxlamadan əsəbiləşən yazıçı vətənini tərk edib. Svayq, demək olar, bütün yaradıcılığı boyu müharibə əleyh­darı, pasifizm tərəfdarı olub. Buna görə də Avropanı çənginə alan müharibələrin tö­rət­diyi faciələrə mənəvi cəhətdən tab gətirə bilməyən ya­zıçı 1942-ci il fevralın 22-də öz yoldaşı ilə birlikdə Bra­zi­li­yada intihar edib.
Svayq dünya ədəbiyyatında daha çox novellaları və ta­ri­xi-bioqrafik oçerkləri ilə məşhurdur: “Şahmat”, “Amok”, “Məc­buriyyət”, “Rotterdamlı Erazmın zəfər tən­tənəsi və faciəsi”, “Maria Stüart” və s.