Bir hissə oxuPeyğəmbər
Sevgi sizi nə vaxt çağırsa, arxasınca gedin,
Yolları əzablı, enişli-yoxuşlu olsa da.
Sizi qanadları arasına alanda ona təslim olun,
Sevgi sizinlə danışanda ona inanın.
Sevgi sizi ona görə sınağa çəkir ki, ürəyinizin sirlərindən vaqif olasınız.
Sevgi ancaq özünü verər sizə, özünü də geri alar sizdən...
Sevgi nə kimisə sahiblənər, nə də kiminsə onun sahiblənməyini istər,
Sevdiyiniz zaman deməyin ki,
“Allah mənim ürəyimdədir”, deyin ki, “Mən Allahın ürəyindəyəm”.
Elə bilməyin ki, sevgiyə yol göstərə bilərsiniz, o özü sizə yol göstərər, əgər sizi buna layiq bilərsə.
Sevginin tək istəyi özünü gerçəkləşdirməkdir.
| Kitabın adı | Peyğəmbər |
|---|---|
| Orijinal adı | The Prophet |
| Müəllif | Xəlil Cübran |
| Tərcüməçi | Rafiz Hacıoğlu |
| ISBN | 9789952547689 |
| Dili | Azərbaycan |
| Səhifə sayı | 120 |
| Kitabın formatı | 120x190 mm |
| Çap tarixi | 2023 |
| Nəşriyyat | Parlaq İmzalar |
Xəlil Cübran
Xəlil Cübran 1883-cü il yanvarın 6-da Livanın Bşarrə kəndində anadan olub. İbtidai təhsilini bu kənddə alan Cübran 1895-ci ildə ailəsi ilə birlikdə Amerikaya, Boston şəhərinə köçüb. 1898-ci ildə Cübran təhsilini davam etdirmək məqsədilə Livana qayıdıb və “əl-Hikmət” adlı katolik məktəbini bitirib.
Cübranın ilk mətbu əsəri “Mühacir” qəzetində dərc olunmuş “Yenilikçi yazıçı” sərlövhəli məqaləsidir. Daha sonra onun iki hekayələr toplusu – “Çəmənlər gəlinləri” və “Üsyankar ruhlar” kitabları çapdan çıxıb. Şairin şah əsəri sayılan “Peyğəmbər” ilk dəfə 1923-cü ildə ingilis dilində çap olunub. “Peyğəmbər” indiyədək 100-dən çox dilə çevrilib. Xəlil Cübran 1931-ci il aprelin 10-da Nyu-Yorkda vəfat edib.
İlk rəy yazan siz olun