Çarlz Dikkens 1812-ci fevralın 7-də İngiltərənin Ports­mut şəhərində anadan olub. Atasının borca düşməsi ilə uşaq yaşlarından işləməyə başlayan Çarlzın bu illərdə ke­çir­­di­yi trav­malar və mənəvi böhranlar, demək olar, əksər ro­­man­larında əks olunub. İlk romanı “Pikvik klubunun qeyd­ləri” 1836-37-ci illərdə nəşr edilib. 
Dikkens Viktoriya dövrünün, bəlkə də, ən məşhur, romanları ən çox oxunan müəllifidir. On beş roman yazan Dikkens əsər­lərində o dövrün burjua cəmiyyətini, varlı insanları və onların süni, riyakar əxlaq normalarını kəskin şəkildə tənqid edib. Romanlarının əsas qəhrəmanları yoxsulluqdan əziyyət çəkən saf, zəhmətkeş uşaqlardır.
“Böyük ümidlər”, “İki şəhərin hekayəti”, “Devid Kopperfild”, “Müştərək dostumuz”, “Oliver Tvist” böyük yazıçının ən çox oxunan kitablarıdır.
Ç. Dikkens 1870-ci il iyunun 9-da Qreyvşem şəhərində vəfat edib.