Kiçik böcəklərin böyük mübarizəsi Bu əsəri uşaqlarmı, yoxsa böyüklərmi daha çox se­vir? Qərar vermək çətindir; kitab uşaqları öyrədəcək, bö­yük­­lərə isə yön verəcək mesajlarla zəngindir.
Əsər Larpin diyarında yaşayan balaca tuflinlərdən bəhs edir; əzilərək yerin və qorxunun altında ya­şa­yan tuf­lin­lər­dən. Düşmənləri bolclar onlara gün verib işıq vermir. 
Susal və Oşan xilas yolunu başçı Norodan fərqli ola­raq qaçmaqda, daha dərin qazıb “yerin dibi”ndə ya­şa­maqda görmür, düşməni məhv etmək üçün yollar axtar­ır, “üzə” çıxırlar. Düşmən axtarışı zamanı onlar da­ha əvvəl görmədiyi – müəllif tərəfindən heç də tə­sa­düfi seçilməyən – heyvanlarla qarşılaşırlar. Məhz bu zaman həm əsə­rin qəhrəmanları, həm də oxucular əsl həyat dərsləri öyrənməyə başlayırlar; müəllif heyvanları çox məharətlə “danışdırır”, bir çox sosial-psixoloji və önəmli mövzulara toxunur.