Bir hissə oxuDovşan nə üçün Yeni il şənliyinə qatılmadı?
Meşəyə Yeni il gəlib, bütün heyvanlar bayram ab-havasına bürünüb. Sevincləri aşıb-daşır, bir-birilərinə hədiyyələr hazırlayır, “Mötəbər Eşşək” tamaşasını dörd gözlə gözləyirlər.
Amma Dovşan...
Dikbaş, inadkar, küskün, heç kəslə deyib-gülməyən, ancaq ürəyinin dərinliyində gizli bir saflıq olan Dovşan şənliyə qatılmaq istəmir.
Dovşanın dostu Ayıdan da bir xəbər yoxdur. Hamı nigarandır. Görəsən, onu Yeni il şənliyinə kim çağıracaq? Əlbəttə ki, Dovşan! O, qar-borana baxmır, “Dost dar gündə tanınar” deyib yola düşür.
Bu, yeni bir qış nağılının başlanğıcıdır. Bu nağıl “Ayı nə üçün qış yuxusuna getmədi?”, “Arılar nə üçün Eşşəyi çaldı?”, “Tülkü nə üçün bütün gecəni yatmadı?”, “Mastı və Fil”, “Qorxulu meşəyə kim getdi?”, “Dovşanın gündəliyini kim götürdü?”, “Ayı meşədən küsüb, yox meşənin xəbəri” kimi əhvalatlardan ibarət olacaq.
| Kitabın adı | Dovşan nə üçün Yeni il şənliyinə qatılmadı? |
|---|---|
| Müəllif | Amin |
| ISBN | 9789952525533 |
| Dili | Azərbaycan |
| Səhifə sayı | 144 |
| Kitabın formatı | 155x230 mm |
| Çap tarixi | 2020 |
| Nəşriyyat | Simurq |
Amin
Amin 1987-ci il iyunun 30-da Zəngilan rayonunda anadan olub. 2005-2009-cu illərdə ADİU-da Beynəlxalq iqtisadi münasibətlər, 2018-2021-ci illərdə isə ADPU-da Azərbaycan dili və ədəbiyyatı müəllimliyi ixtisası üzrə ali təhsil alıb. Yaradıcılığa şeirlə başlasa da, ilk kitabı həm uşaqlar, həm də böyüklər üçün yazdığı “Tuflinlər” hekayəsidir. Kitab oxucular tərəfindən böyük maraqla qarşılanıb və dəfələrlə nəşr olunub.
Amin heyvanların meşə əhvalatlarından bəhs edən silsiləvi kitablar da yazır. Hazırda bu seriyadan iki kitab çap olunub: “Dovşan nə üçün Yeni il şənliyinə qatılmadı?”, “Ayı nə üçün qış yuxusuna getmədi?”. “Qorxulu meşəyə kim gedə bilər?” seriyanın növbəti kitabıdır.
Müəllifin dostluqdan, cəsarətdən, sevgidən bəhs edən “Azel” kitabı da mövzusu, təhkiyə tərzi ilə oxucuların sevimli kitablarından biridir.
 - qapaq - uz.jpg)
İlk rəy yazan siz olun