Bir hissə oxuKnulp
Görkəmli yazıçı Ştefan Svayq da daxil olmaqla bir çox yazıçıların rəğbətini qazanmış bu gözəl və təsirli əsər Hessenin gənclik dövrü yaradıcılığının yekun akkordu və zirvəsidir.
Öz ailəsindən, evindən, yurdundan didərgin düşən Knulp azadlıq axtarışındadır. Ona qucaq açan, yemək və sığınacaq verən dostlarının evində qonaq qalsa da, bu istiqanlı, sevimli sərgərdan heç bir məkana və ya insana bağlanmır, bundan qətiyyətlə imtina edir. Knulp üçün sərgərdanlıq xoşbəxtlikdir, azadlığın özüdür.
Hesse yazırdı ki, “Knulp kimi personajlar faydalı olmasalar da, bəzi “faydalı” insanlardan daha az zərərlidirlər. Bu cür istedadlı və həssas insanlar onları əhatə edən mühitdə bir sığınacaq tapa bilmirlərsə, bunda onun özü qədər mühitin də günahı var”.
| Kitabın adı | Knulp |
|---|---|
| Orijinal adı | Knulp (Drei Geschichten aus dem Leben Knulps) |
| Müəllif | Herman Hesse |
| Tərcüməçi | Çərkəz Qurbanlı |
| ISBN | 9789952867923 |
| Dili | Azərbaycan |
| Səhifə sayı | 136 |
| Kitabın formatı | 120x190 mm |
| Çap tarixi | 2026 |
| Nəşriyyat | Parlaq İmzalar |
Herman Hesse
Herman Hesse 1877-ci il iyul 2-də Almaniyanın Kalv şəhərində anadan olub. Atası missioner, anası isə teoloq qızı idi, bu da onun yaradıcılığında din və mənəviyyat mövzularının əsas yer tutmasına səbəb olub. Məktəb illərində yaşadığı çətinliklər və gəncliyində keçirdiyi böhranlar onun psixoloji dərinliyini artırıb. İkinci romanı “Çarxlar altında” məhz o dövrdə keçirdiyi ekzistensial dəyişikliklərdən bəhs edir.
Hesse ədəbiyyata şeirlə başlamış, lakin daha sonra romanları ilə dünya şöhrəti qazanmışdır.
Ən məşhur əsərləri arasında “Siddhartha”, “Knulp”, “Yalquzaq”, “Muncuq oyunu” yer alır. Hesse bu romanlarda cəmiyyətin təzyiqlərindən qaçan, daxili azadlığını axtaran və öz yolunu tapan fərdlərin hekayələrini yazıb.
1946-cı ildə ədəbiyyat üzrə Nobel mükafatına layiq görülüb. Yaradıcılığı boyunca müharibə və millətçiliyə qarşı çıxışlar edib.
Herman Hesse 9 avqust 1962-ci ildə İsveçrədə vəfat edib.
MÜƏLLİFİN DİGƏR KİTABLARI
---uz.jpg)
İlk rəy yazan siz olun