Nəriman Həsənzadə

Nəriman Həsənzadə 18 fevral 1931-ci ildə Qazax (in­diki Ağstafa) rayonunun Poylu qəsəbəsində anadan olub. İbtidai və orta təhsilini öz doğma rayonunda alıb. 1949-cu ildə H. Zərdabi adına Kirovabad Dövlət Pe­da­­qoji İnstitutunun Filologiya fakültəsinə daxil olub. 1953-cü ildə həmin institutu bitirib. Moskvadakı iki­il­lik ədəbiyyat kursunu bitirdikdən sonra M. Qorki adına Ədə­­biy­­yat İnstitutuna daxil olaraq beş il orada təhsil alıb. 
Nəriman Həsənzadə bədii yaradıcılığa 1953-cü ildə “Azər­baycan gəncləri” qəzetində dərc etdirdiyi şeirlə baş­la­yıb. “Yadıma düşürsən”, “Qaraca çobanın şikayəti”, “Nə­riman”, “Zümrüd quşu”, “Mənim sevdam – ehtirasım”, “Kimin sualı var?”, “Sizdən ayrılmadım”, “Poylu – be­şiyim mənim” və başqa kitabları oxucular və ədəbi ic­ti­maiyyət tərəfindən böyük maraqla qarşılanıb. “Bütün Şərq bilsin”, “Atabəylər”, “Pompeyin Qafqaza yürüşü” ki­mi pyesləri Azərbaycan teatrlarının səhnəsində uğurla tamaşaya qoyulub. O, bir çox ədəbiyyat nümunələrini, o cümlədən Maqsud Şeyxzadənin “Daşkəndnamə” poe­ma­sını, A. Nekrasovun, T. Şevçenkonun, İ. Frankonun, A. Puşkinin, İ. Çavçavadzenin əsərlərindən nümunələri dilimizə çevirib.   
Nəriman Həsənzadə 1 avqust 2026-cı ildə Bakı şəhərində vəfat edib.