Bir hissə oxuBalaca Cadugər
– Gözəl qızım, yenə maraqla nə oxuyursan?
– “Balaca Cadugər” kitabını, Ata.
– Cadugər??? Qorxmursan? Axı cadugərlər...
– Yox, Ata, qorxulu deyil, bu, yaxşı cadugərdi. O, meşədə odunyığanlara, bazarda şabalıdsatana və gülsatan balaca qıza kömək edir.
– Nolsun, axı onlar insanlara cadu edir?
– Hə, amma Balaca Cadugər xeyirxahdı. Hətta o, pis adamları: atlara əziyyət edən faytonçunu, qəddar meşəbəyini, quşların yuvasını dağıdan uşaqları cəzalandırır.
– Yaxşı görək?!
– Hə, hə, o, mehribandı, qayğıkeşdi, gülməlidi, safqəlblidi, ancaq həm də tərsdi. Onun Abraksas adlı bir qarğa dostu da var. Ata, bilirsən, Balaca Cadugərin cəmi-cümlətanı 127 yaşı var.
– Nə? 127 yaşı?
– Bəli, Ata, 127 yaşı. Cadugərlər üçün bu yaş azdı.Onlar çox uzun yaşayırlar.
– Yaxşı, qızım, xoş mütaliələr.
| Kitabın adı | Balaca Cadugər |
|---|---|
| Orijinal adı | Die kleine Hexe |
| Müəllif | Otfrid Proysler |
| Tərcüməçi | Cəmilə İsmayılzadə |
| ISBN | 9789952547788 |
| Dili | Azərbaycan |
| Səhifə sayı | 136 |
| Kitabın formatı | 120x190 mm |
| Çap tarixi | 2023 |
| Nəşriyyat | Simurq |
Otfrid Proysler
Otfrid Proysler 1923-cü il oktyabrın 20-də Çexiyanın Rayxenberq (indiki Liberets) şəhərində anadan olub. Orta məktəbi bitirdikdən sonra İkinci Dünya müharibəsinə qatılıb. 1944-cü ildə leytenant kimi Sovet ordusuna əsir düşüb. 5 il SSRİ düşərgələrində əsir həyatı yaşayıb. 1949-cu ildə vətənə qayıtdıqdan sonra ailə həyatı qurub və müəllim kimi fəaliyyət göstərib.
Proyslerin ilk kitabı, “Balaca su pərisi” 1956-cı ildə çap olunub. 1957-ci ildə nəşr olunan “Balaca Cadugər” kitabı ona çox böyük uğur gətirib.
Proysler yazdığı uşaq kitablarına görə 10-a yaxın mükafata layiq görülüb. Onun uşaq kitablarının motivləri əsasında tamaşalar qurulub, filmlər çəkilib. Yazıçı 2013-cü il fevralın 18-də dünyasını dəyişib.
İlk rəy yazan siz olun