Bir markanın imicinin formalaşmasında vǝ istehlakçı ilǝ arasında effektiv kommunikasiyanın qurulmasında sloqan hǝyati ǝhǝmiyyǝt kǝsb edir. Hǝmin parlaq ifadǝ şirkǝtin ideyasını, fǝlsǝfǝsini kreativ vǝ xoşagǝlǝn formada tǝqdim edǝrǝk brendin sevimli obrazını yaradır. Sloqansız şirkǝt nǝqǝratsız mahnı kimidir. Sözlǝr, musiqi gözǝl, cǝlbedici ola bilǝr, amma nǝqǝrat mahnını yaddaşlara hopdurur. Eynilǝ yaddaqalan sloqan da bu cürdür, o, dönǝ-dönǝ müştǝrinin zehnindǝ sǝslǝnmǝklǝ brendin ritm vǝ melodiyasını yaradır. 
Azǝrbaycanda kopiraytinq vǝ neyminq sahǝsindǝ peşǝkar mü­tǝxǝssislǝrdǝn sayılan Teymur Mǝmmǝdov bu dǝfǝ slo­qan yaratma ilǝ bağlı tǝcrübǝlǝrini bölüşür. Müǝllif ǝvvǝlcǝ sloqanın marka üçün ǝhǝmiyyǝtini, satış potensialına tǝsirini araşdırır, daha sonra özünün yaratdığı sloqanların hekayǝsini oxucularla bölüşür.