Rəşad Bayramov

Rəşad Bayramov beynəlxalq biznes-təlimçi və kouç­dur. Azərbaycan, Türkiyə, Amerika Birləş­miş Ştatları, Bolqarıstan, Qazaxıstan, Gürcüstan, Qə­tər, İor­­­da­­niya, Hindistan, Vyetnam və Şri-Lankada ef­fek­­tiv ünsiyyət üzrə çoxsaylı təlim və fərdi kouçinq məş­­ğə­lələri aparmışdır. Azərbaycanda natiqlik mövzu­sunda ilk kitab olan “Sözünə güvən: auditoriyanı fəth etməyin 10 yolu” (2016) kitabının müəllifidir.
İyirmi ildən artıq davam edən karyerası ərzində Rəşad Bayramov mətbuat katibi, biznes-jurnalist, baş redaktor, xarici əlaqələr şöbəsinin müdiri və transformasiya məsələləri üzrə regional rəhbər kimi fəa­­­­liy­­yət göstərib. O, dünyanın ən nəhəng enerji kor­­po­­ra­siyalarından biri olan BP-də işləyərkən yeni əmək­­daşlardan tutmuş, dövlət rəhbərlərinədək fərq­­li auditoriyalar qarşısında şirkəti uğurla təmsil edib. 
Hazırda Azərbaycan Respublikasının rə­qəm­­sal in­ki­­şaf və nəqliyyat nazirinin müşaviri vəzifəsində ça­lı­şır.
ABŞ-ın Roçester Texnologiya İnstitutunda kom­mu­ni­ka­siya və marketinq üzrə, Azərbaycan Dil­­­­lər Univer­si­tetində isə filologiya üzrə magistr dərəcəsi almış­dır.

Müasir dövrdə qlobal səviyyədə ictimai fikrin gü­cü­nün xüsusilə önə çıxdığını nəzərə alsaq, kom­mu­­ni­ka­siyanın düzgün və səmərəli qurulmasının nə də­rə­cədə əhəmiyyətli olduğunu görmüş olarıq. 
Bu xüsusda beynəlxalq səviyyəli biznes-təlimçi Rəşad Bayramovun həm Azərbaycanda, həm də ölkə xaricində bir sıra dövlət müəssisələri, iri şir­kət və nüfuzlu universitetlərdə təqdim etdiyi natiqlik sənəti və təsirli ünsiyyət mövzusunda təlimləri və fərdi məşğələləri insanların şəxsi inkişafı baxımından olduqca səmərəlidir.   
Onun “Sözün düzü: insanlara təsir etməyin 9 yolu” ki­ta­bını da müasir çağırışlara cavab verən, gənclə­rin yenilikçi mühitdə yetişməsinə, təhsil və yeni təc­rü­bələr qazanmasına töhfə verən daha bir uğurlu la­yihə kimi qiymətləndirmək olar. 
Sözügedən kitab oxuculara özlərinə kənardan bax­maq, güclü və zəif tərəflərini müəyyənləşdirmək, eləcə də çatışmazlıqlar haqqında düşünmək və on­ların üzərində işləmək imkanı verir. 
Əminəm ki, kitab oxucular tərəfindən seviləcək, ən əsası ölkəmizdə kommunikasiya sahəsinin inkişafına öz töhfəsini verəcəkdir.

Hikmət Hacıyev
Azərbaycan Respublikası Prezidentinin kö­mək­çisi – Azərbaycan Respublikası Prezidentinin Adminis­tra­siyasının Xarici siyasət məsələləri şö­bə­sinin mü­diri