Bu əyri cizgilər cədvəlində sən,
Özünü şərh edib, özünü öyrən.
Nizami Gəncəvi

Fikir və düşüncə insana bəxş edilmiş ən böyük nemət­dir. Düşünərək öz daxili aləminin dərinliklərinə dalan in­san özünü – həqiqi mənini heç bir maneəsiz dərk edə­­nə qə­dər irəliləyə bilər. Həqiqi özünüdərkə nail olan insanın önündə heç bir çərçivə ilə məhdudlaşmayan son­­suz alə­­­mə doğru bir qapı açılır.  Bu mərhələdən son­ra insan bütün buxovlardan, maddi qəliblərdən, ruhunu sı­xan qəfəsdən xilas olaraq mücərrədləşir, özündən xi­las olub Yaradanına qovuşur. Deməli, özünüdərklə baş­la­yan pro­ses özünütərklə yekunlaşır...
“Özünüdərk və özünütərk” əsəri özünü tapmaq, həqi­qi kimliyinə qovuşmaq, Rəbbinin sonsuz rəhmətindən zövq almaq istəyən, həqiqi sevgi və tükənməyən eşq ax­ta­rı­şın­da olanlar üçün bir bələdçi rolunu oynaya bilər.