Gənc müsəlmanın bələdçisi

Bir hissə oxu

Gənc müsəlmanın bələdçisi

0.0

(0)

Hüseyn Nəsr

“Qərb dünyası İslamı öz baxış bucağından araşdıran çoxsaylı oriyentalist (şərqşünas) yetişdirib, amma İslam dünyasının qərb mədəniyyətinin müxtəlif sahələrini – elm, incəsənət, din, sosial davranış – İslam nöqteyi-nəzərindən tədqiq edə bilən oksidentalisti (qərbşünas) çox azdır”.
Prof. Hüseyn Nəsr
Müəllif dünyanın müasir intellektual mənzərəsi qarşısında gənc müsəlmanın çaşbaş qalmaması üçün ona iki yol təklif edir: öz dini və mədəni kökləri ilə dərindən tanış olmaq və modern dünyanı İslam nöqteyi-nəzərindən dərk etməyi bacarmaq.
Nəsr kitabda əvvəlcə İslam əqidəsi, əxlaqı, incəsənəti haqqında dolğun məlumat verir, ikinci hissədə isə renessansdan sonra qərb dünyasının dinə, elmə, sənətə baxışını təhlil edir. Beləliklə, kitab müasir gənc müsəlman üçün bir bələdçi rolunu oynayır.

Ardını oxu

Kitabın adı	Gənc müsəlmanın bələdçisi
Orijinal adı	A Young Muslim's Guide to the Modern World
Müəllif	Hüseyn Nəsr
Tərcüməçi	Famil Burxanoğlu
ISBN	9789952525700
Dili	Azərbaycan
Səhifə sayı	336
Kitabın formatı	135x200 mm
Çap tarixi	2020
Nəşriyyat	İrşad

Hüseyn Nəsr

Seyid Hüseyn Nəsr 7 aprel 1933-cü ildə İranın Tehran şəhərində dünyaya gəlmişdir. Əsli Kaşan şəhərindəndir. Onun ana babası Şeyx Fəzlullah Nuridir. Seyid Hüseyn Nəsr o zamankı mədrəsə dərslərinin kənarında fransız dilini də mükəmməl öyrənmişdir.
Cavan yaşlarında Amerikaya təhsil üçün getmişdir. Massaçusets Texnologiya İnstitutunda Fizika ixtisasında bakalavr təhsili almışdır. Harvard Universitetində fəlsəfə və elm tarixi ixtisasında magistr və doktorantura müdafiə etmişdir. Sonradan İrana qayıtmış və Tehran Universitretinin müəllimi və Ədəbiyyat institutunun müdiri olmuşdur. Sonradan Şərif Texnologiya Universitetinin qurucusu və ilk rektoru olmuşdur. İran İslam İnqilabından sonra o, yenidən Amerikaya qayıtmışdır.
Əsərləri fəlsəfə, mistika, ənənəçilik və modern dünya fəlsəfəsi haqqındadır. Seyid Hüseyn Nəsr müsəlmanın öz imanı ilə hətta bütöv Qərbə qarşı dura biləcəyi fikrindədir: "Çökməkdə olan gizlin azmaq zəncirindən qurtulmağın bir tək yolu vardır. Bu da İslamın hər cür şərtlərin fövqündə olan dəyişməz və sonsuz səbəblərinə inancla bağlanmaq və sonra da bu səbəbləri müsəlmanların qarşısına çıxan hər cür vəziyyətə və onları irəli aparan hər cür dünyaya uyğunlaşdırmaqdır".