Binyamin yaşadığı ucqar bir kəndi tərk edərək həqiqət axtarışına çıxır. Anasının qəfil ölümündən sonra məlum axtarış Binyamini böyük, qaynar bir şəhərə – Bakıya gətirib çıxarır. Ancaq Binyamini bu meqapolisdə enişli-yoxuşlu bir “səfər” gözləyir. Bu səfərdə o, şübhələrlə, xəyanətlə, gözlənilməz hadisələrlə qarşılaşır, ən əsası isə, qəlbində ilk dəfə sevgi toxumları cücərir. Ancaq, görəsən, bu sevgi onu xoşbəxt edəcəkmi..?
“Sən mənim əlçatmazımsan, Nəstərən, başa düşürsən məni? Sən mənim əlçatmazımsan! Yaxşı, tutaq ki, səni əldə etdim, sonra nə olacaq, səndən o yana nə var? Boşluq?! Olmazmı sən elə mənim xoş arzum olaraq qalasan? Olmazmı sənin mənim həyatıma qatdığın məna hicran olsun, həsrət olsun? Axı niyə bunu mənə çox görürsən?!” – Binyamin bunları da deyə bilərdi, lakin demədi, deyə bilmədi.