Vahid Əziz 23 noyabr 1945-ci ildə Ermənistanın Dərə­lə­yəz mahalının Əzizbəyov rayonunun Əzizbəyov kəndində anadan olub. 
Azərbaycan Politexnik İnstitutunu bitirdikdən sonra “Xə­bər Mətbuat Agentliyi”ndə müxbir (1971-1976), Bakı şəhər Partiya Komitəsində təbliğat və təşviqat şöbəsində təlimatçı (1976-1982), Azərbaycan KP Mərkəzi Ko­mi­tə­sində təlimatçı, mətbuat bölməsinin müdiri (1982-1989), Azərbaycan Dövlət Mətbuat Komitəsində sədr müavini (1989-1991) vəzifələrində çalışıb.
Sonrakı illərdə Azərbaycan Yazıçılar Birliyi idarə heyəti­nin katibi (1991-1997), Bakı şəhər İcra hakimiyyətinin Rek­lam və Şəhər tərtibatı Departamentində “Reklamların Azər­baycan dilində yazılışına nəzarət bölməsi”nin müdiri olub. 
Bədii yaradıcılığa 1967-ci ildə “Ədəbiyyat və incəsənət” qəzetində çıxan şeiri ilə başlayıb. İlk şeirlər kitabı “Mən kü­ləyi görürəm” 1969-cu ildə “Gənclik” nəşriyyatında çap olunub. Son illər 200-dən çox publisistik məqalə və mü­sahibələri dərc olunub. “Dözmək olmur” (1997) şeirlər ki­­tabı oxucular tərəfindən böyük rəğbətlə qarşılanıb. 40-dan çox şeirinə musiqi bəstələnib. 
24 may 2019-cu ildə Azərbaycan Respublikasının Xalq şairi fəxri adına layiq görülüb.