Orxan Şahbaz

Orxan Şahbaz 1992-ci ildə Bakı şəhərində anadan olub. Orta təhsilini 93 saylı tam orta məktəbdə alıb. Ali təhsili Odlar Yurdu Universiteti və USA Lincoln Universitetinin ikili diplom proqramı ilə BBA (Bachelor of Business Administration) – Biznes İdarəetməsi və Marketinq ixtisasında təhsil alıb. Hərbi xidmətini xüsusi təyinatlı kəşfiyyat taborunda kəşfiyyatçı vəzifəsində həyata keçirib. 2016-2018-ci ildən başlayaraq Yumşaq Bacarıqlar (Soft Skills) mövzularında fərdi şəxslər, şirkət əməkdaşları və ictimai tədbirlərdə təlim, seminarlar həyata keçirir. 2018-2020-ci illərdən etibarən marketinq, idarəetmə, sosial psixologiya sahələrində fəaliyyətini davam etdirir. 2022-ci ildən aktiv və davamlı şəkildə təlim və seminarlarla bərabər, qurucusu olduğu "Beyinix" marketinq mərkəzində şirkətlər, fərdi şəxslər üçün brendinq, sosial media strategiyasının qurulması və s. bu yöndə marketinq xidmətlərini həyata keçirir. 2016-cı ildən indiyə qədər keçdiyi təlim və seminalarda bütün Azərbaycan üzrə təxminən 17.000-dən çox şəxs seminarlarda iştirak edib. Hobbisi velosiped sürmək, fitneslə məşğul olmaq, vloq hazırlamaq, hikinq, trekinq, yürüş. 33 yaşı var, Bakı şəhərində yaşayır.