Günel Əkbər 16 yanvar 1994-cü ildə Naxçıvanda anadan olub. 2015-ci ildə Azərbaycan Dövlət Pedaqoji Universitetinin Pedaqoji fakültəsinin ibtidai sinif müəllimi ixtisasını bitirib. 2016-2018-ci illərdə Bakı şəhəri 322 nömrəli məktəbdə ibtidai sinif müəllimi kimi fəaliyyət göstərib.

2018-2020-ci illərdə Türkiyənin On Doqquz May Universitetində Təhsilin Qiymətləndirilməsi və Monitorinqi ixtisası üzrə magistratura təhsili alıb.

2021-ci ildən etibarən Bakı şəhəri Kamil Əyyubov adına 12 nömrəli məktəbdə ibtidai sinif müəllimi olaraq fəaliyyət göstərir.

Beynəlxalq və yerli konfranslarda spiker, debat təlimçisi olan Günel Əkbər altıillik pedaqoji fəaliyyəti ərzində dövrün tələblərinə uyğun şagird yetişdirərək onların oxuyub-anlama, dinləyib-anlama, komanda işi, özünü sərbəst ifadəetmə kimi bacarıqlarının inkişaf etdirilməsinə çalışır.