Milli özünüdǝrk baxımından xüsusi ǝhǝmiyyǝti olan “Əsrimizin Siyavuşu” ǝsǝrindǝ Rǝsulzadǝ Azǝrbaycanın başına gǝlǝnlǝri, onun keçmişini, Cümhuriyyǝt dövründǝ milli kimlik uğrunda aparılan mübarizǝni, müstǝqil Azǝrbaycanın keçdiyi ǝzǝmǝtli yolu tǝhlil edir. O bütün bunları Firdovsinin “Şahnamǝ”sindǝki Siyavuş obrazı ilǝ mǝharǝtli bir şǝkildǝ paralellǝr apararaq hǝyata keçirir vǝ yeni doğulmuş, müstǝqillǝşmiş vǝ uğrunda canlarını fǝda etdiklǝri “Azǝrbaycan”ı “Əsrimizin Siyavuşu” adlandırır.
Rǝsulzadǝ bu dǝyǝrli kitabın ǝlyazmasını dostlarına ünvanlayarkǝn onlardan tǝlǝbini belǝ qeyd etmişdi: “Çapının mümkün olduğu qǝdǝr nǝfis vǝ qüsursuz olmasına etina göstǝrmǝk lazımdır”. Bu vǝsiyyǝti yerinǝ yetirmǝk ümidi ilǝ “Əsrimizin Siyavuşu”nu 1923-cü ildǝ İstanbulda ǝski ǝlifba ilǝ çap edilǝn orijinal nüsxǝdǝn çox hǝssaslıqla transliterasiya etdik vǝ eyni zamanda anlaşıqlı olması üçün mǝtni müasir Azǝrbaycan dilinǝ uyğunlaşdırdıq.
Belǝliklǝ, Rǝsulzadǝ oxucuları bu ǝsǝri ilk dǝfǝ olaraq ixtisarsız vǝ sǝlis bir dildǝ oxuyacaqlar.