Bir hissə oxuAlisa möcüzələr ölkəsində
Sehrli dovşan yuvası və macəralarla dolu dünya!
Bir gün Alisa bacısı ilə çayın sahilində oturarkən harasa tələsən və jiletinin cibində saat olan ağ dovşan görür. Alisanı maraq bürüyür, özünü saxlaya bilməyib bu qəribə, çəhrayı gözlü dovşanın arxasınca yuvasına girir. Bir də gözünü açıb görür ki, tamamilə başqa bir aləmə düşüb! Bu möcüzəvi ölkədə hər şey mümkündür: pişik danışır, gülür, flaminqo və kirpi ilə kroket oynanılır, zaman başqa cür işləyir.
Bir sözlə, “Alisa möcüzələr ölkəsində” əsrarəngiz bir nağıldır.
| Kitabın adı | Alisa möcüzələr ölkəsində |
|---|---|
| Orijinal adı | Alice's Adventures in Wonderland |
| Müəllif | Luis Kerol |
| Tərcüməçi | Anar Mahmudov |
| ISBN | 9789952580105 |
| Dili | Azərbaycan |
| Səhifə sayı | 184 |
| Kitabın formatı | 120x190 mm |
| Çap tarixi | 2025 |
| Nəşriyyat | Simurq |
Luis Kerol
Luis Kerol (əsl adı Çarlz Letvic Docson) 1832-ci il yanvarın 27-də İngiltərənin Çeşir qraflığında anadan olub. İlk təhsilini evdə alıb. 12 yaşından etibarən Riçmond orta məktəbinə gedib. Daha sonra təhsilini Reqbi məktəbində davam etdirib. Bu məktəbdə dərslərini yaxşı oxusa da, digər uşaqlar tərəfindən sıxışdırılıb. Luis Kerol kəkələmədən əziyyət çəkib, özünə qapanıq uşaq olub.
Kerol yazıçı olmaqla yanaşı, riyaziyyatçı və fotoqraf idi. Uzun illər Oksford Universitetinin Krayst Çörç kollecində riyaziyyatdan mühazirələr deyib.
Yazıçıya dünya şöhrəti gətirən əsəri “Alisa möcüzələr ölkəsində” 1865-ci ildə çap olunub. Kitab uşaq ədəbiyyatında yeni cığır açıb. Daha sonra isə əsərin davamı olaraq “Alisa güzgünün içindən” kitabını yazıb.
Luis Kerol 1898-ci il yanvarın 14-də pnevmoniyadan dünyasını dəyişib.
---uz.jpg)
İlk rəy yazan siz olun